昨日面試人士多以騎呢打扮博星爺一笑，不過當中亦有省鏡參賽者，曾亮相《美女廚房》、擁有34C上圍的馬穎敏（Liz），梳起孖辮和穿上百褶裙，不過期間她離奇失蹤，事後她解釋並非中途離場：「我去咗食嘢，之後有返去，今次專登學栢芝喺《喜劇之王》嘅學生Look，仲學佢用雙腳夾住周星馳咁，夾住支旗杆。（信心？）OK！但現場啲人好犀利。」
此外，樂壇新人黃子菲、范萱蔚和樂隊成員King昨日亦有參與招募，雖然他們沒有騎呢扮相，但黃子菲以一招「動L」踢腿出位！她直言是公司安排試鏡：「星爺好搞笑，由細睇到佢大，好想同佢合作！公司冇叫我擺騎呢Pose，只係叫我表演最壇長嘅動作嚟掂五支旗杆，咪做呢個拉腳一字馬囉！」她表示曾學跳舞，故踢腿沒有難度，問到有沒有信心被睇中？她說：「冇諗過，但我唔介意做醜女角色。」
