外表甜美的羽翹甚受Fans愛戴，他們除了送頸鏈首飾、水晶蛋糕等女性恩物外，更有男Fans親手編織溫暖牌頸巾給她，令羽翹十分感動：「條頸巾我真係好鍾意，係由一位男Fans親手織畀我，通常頸巾呢啲嘢都係由女仔做，好少男仔會咁做，而且織嘢又嘥工夫，少啲耐性都唔得。我收到條頸巾嘅時候，仲特登留意啲花紋，發現佢完全冇漏針，證明佢係好有心機去織。而且佢送畀我嗰陣，仲同我講話因為知我喉嚨易敏感，所以特登織條溫暖牌畀我，等我唔使咁易冷親，真係好體貼。」
另外，羽翹一向視周杰倫為偶像，Fans得悉後，特別為她找來周杰倫的簽名唱片，令她大為意外：「我唔知佢哋點解咁犀利，竟然可以搵到周杰倫簽名，仲拍埋Video添！我睇到條片同隻碟，即刻感動到想喊。」