童年回憶篇

問：有冇試過寫信畀明星？寫畀邊個？

答：有，細個三、四年級試過寫信畀木村拓哉，當年好細個，我就咁喺個信封度寫木村拓哉，冇寫上地址，就好似寫信畀聖誕老人一樣，就咁寫名，冇寫地址。

問：有冇試過畀學校記缺點或記過、又或者畀訓導主任訓話？

答：有，小學二年級嘅時候，同家姐喺操場唸主禱文嘅時候打交，我仲踢咗佢一腳，搞到佢流晒鼻血，最後要去見校長，畀學校記過。其實當年小一至小六嘅時候，操行都係一般。

生活習慣篇

問：開燈瞓定熄燈瞓？

答：一定係開燈瞓，呢個習慣由中四開始，因為嗰年開始會考，成日都開燈讀書，讀讀吓就攰到瞓咗，所以慣咗開燈瞓。

憑水着寫真奠定性感女神地位的趙碩之，卻是一名男仔頭。

趙碩之回答大起底問題，自爆愛在家中「大解放」。

問：喺屋企一個人嘅時候，會唔會唔戴Bra通屋走？

答：梗係會，唔着衫通屋走都仲得，屋企係一個好私人嘅地方，一定要盡情解放先得。

貪靚篇

問：有冇試過用青瓜、西瓜皮、牛奶或其他天然嘢敷面？

答：有用過西瓜皮敷面，以前都係為咗用西瓜皮敷面先食西瓜，除咗西瓜皮外，我仲試過用蛋同白沙糖敷面，聽講有磨沙同保濕功用。

問：最着重保養身體哪一部位？

答：面部，以前細個嘅時候，化完妝之後唔識得徹底清洗，所以面嘅膚色較為暗啞。依家做藝人，個樣好緊要，就算以前唔做Facial，依家都要好好保養皮膚。