07/01/2010

播放本新聞相關短片

Stephy自爆聽指點燒經文

鄧麗欣(Stephy)的緋聞男友方力申被指曾與女星見向「模」騙色的茅山師傅,她昨日出席《72家租客》慰勞宴時,坦言對報道略有所聞,但未聽過方力申提起見師傅的事,她笑說:「佢唔似係咁迷信嘅人。(佢讀過大學都迷信係咪愚昧?)唔係嘅,迷信同知識無關,呢行好多人都迷信,我都有睇相、算命,但只係作參考。」

問她有否聽過方力申提及想改運,Stephy力撐對方運氣不俗:「佢運氣幾好吖!唔需要改。(感情呢?)咁要問佢,佢就冇話有過波折。(有冇叫過你去?)梗係冇啦!」她認為睇相算命無妨,最緊要自己有判斷力,她又自爆曾試過被師傅指點,着她抄經文後再燒掉,她照做幾天後,才覺得恐怖而停止再做。問到可有見過方力申有異常行徑,她笑言不覺對方有異樣,指他很開朗。