紋身代表甚麼？在美國長大的許懷欣（Ryan）自幼受到街頭及Band文化薰陶，對紋身這種藝術文化有深刻的了解，他說：「紋身係一種表達自己態度、感受嘅方式，老一輩人未必了解，但其實紋身意義可以好重大，可以代表信念，又或者一個紀念。」16歲已萌生紋身念頭，但礙於成年才可紋身，18歲的Ryan問准爸媽便立即行動！

Ryan將紋身視為刻畫時間的一種藝術。

Ryan身上的所有紋身都是聖地牙哥的好友兼紋身師傅的作品。

身為日本動漫迷，Ryan所選的圖案自然偏向日本風格，他說：「第一個Tattoo係右腳嘅魚仔紋身，過咗六個月就加咗個『愛』字同埋周圍嘅流水，變成一幅畫。」而Ryan最新的紋身則是左腳的怪怪女孩子：「係以前聖誕紋嘅，呢個女仔係三藩市畫家Sam Flores嘅創作，我好鍾意佢嘅畫，屋企都有收藏！」

曾被歧視

要Ryan選出最愛的紋身可謂難若登天，他解釋：「每個紋身代表唔同時期嘅自己，好似右腳代表大學期，左手代表夾Band期咁，真係好難揀！」他坦言早年走在街上，往往因身上的紋身招來奇異目光甚至歧視，但近年香港社會漸趨開放，與外國的文化差異漸漸拉近，紋身在港已廣為接受，難怪他對此高興不已！

下一步……

右腳的魚、左臂的飛龍、左腳的女孩子，組成水、天、地三幅畫，意境非常豐富。至於下一個紋身？Ryan已有計劃：「我打算紋埋左前臂，成隻手由Half-sleeve變Full-sleeve，其實好耐之前已經有Idea點樣紋。」至於右手，他則打算「留白」，希望突出對比！