身為香港影壇中流砥柱的任達華，前晚應邀出席《浸大電影學院成立典禮》，他表示將會擔任電影學院的客席導師：「我會同班學生分享拍攝時嘅有關經驗，同教佢哋應有嘅職業操守，仲會從多角度分析角色，我都要做足資料搜集。（減產？）都會㗎！因為都會放好多時間去教學生，賺少啲錢唔緊要，希望為電影界貢獻啦！」問到是否有酬勞？華哥表示只收象徵性200元車馬費。問到會否執導筒？他說：「年底會喺內地開拍一套警匪片。（退居幕後？）唔係！覺得做導演好玩啫！」