劉心悠昨日出席《adidas X Fitness First「馬拉松個人紀錄挑戰賽」》活動，她表示將於下月底參加香港馬拉松賽事，今年已是第五年參加：「我跑幾多次代表我嚟香港幾耐。（感染身邊人跑馬拉松？）我每年都問，但佢哋都唔同我跑。（搵男友一齊跑？）如果有，想佢支持運動。（對方Sporty會加分？）支持健康好重要，因為思想健康啲！（跑馬拉松冇得化妝？）化唔化妝唔緊要，化妝加流汗會好易令皮膚敏感，我好易敏感。」