熱爆劇《宮心計》早前創收視佳績，無綫高層梁乃鵬前晚設宴款待劇中主要演員，楊怡、佘詩曼、李詩韻、陳豪、鄭嘉穎、關菊英、米雪與謝雪心均有出席。剛在馬來西亞拍罷護膚品廣告返港的阿佘表示，受《宮》劇帶挈勁賺七位數，揚言可以過肥年，希望換車獎勵自己：「農曆年要開劇，可能出唔到埠，嚟緊一年都忙拍劇。（點獎勵自己？）可以的話想換車，一路都想買樓，但未得閒物色。」嘉穎則透露新年除了接拍廣告外，亦會到美加登台，同樣勁賺七位數。至於楊怡也表示收入大增，希望學習投資：「投資置業係我目標，睇吓可唔可以喺股壇佔一席位！」最慘的可算是李詩韻，她早前因身在加拿大讀書而推掉不少工作，損失六位數：「其實喺加拿大知道好多工作接唔到，都有少少忟，但畢到業已經係無價！」
另外，出席完慶功即趕往慈善晚宴的謝雪心表示，很開心可與一班演員再聚頭，她笑言因趕來晚宴而未能在慶功宴上「呃酒飲」。她還透露稍後會在籌款節目中表演跳泰國舞：「個頭飾仲重過《宮心計》嗰啲，同埋要戴嗰啲指套，試過唔小心刮損頸。（舞衣性感？）係呀！都少布，個肩得少少，為慈善冇辦法。」
