廖碧兒近半年掛住拍劇同拍戲，成日香港、內地兩邊走，根本冇時間陪7隻愛犬，每次返到屋企，狗狗因為太掛住主人，總係纏住佢唔放！不過，碧兒話有方法慰解相思之苦，就係靠電腦喇！小小So好好奇，真係靠電腦？
小小So：人類透過視像鏡頭（Web Cam）見到對方個樣，唔通你講用電腦同狗狗溝通，就係呢種方法？
碧 兒：冇錯！我就係用電腦個Web Cam同屋企啲狗狗見面，佢哋都識得睇o架！只要我喺個鏡頭前面不停揮手，佢哋見到就吠！屋企人幫我開機，我開工有Break，咪開個手提電腦睇吓佢哋，見吓都好吖！好過完全見唔到面！
小小So：我都好佩服你啲狗狗識得用呢個方法同你溝通！
碧 兒：唔係點呀！佢哋都好掛住我，見到我就得啦！
雖然碧兒嘅解釋有啲不可思議，不過都可能係動物有靈性，真係信不信由你！