身形纖瘦的「新邦民女」陳嘉寶（Anjaylia），對少女品牌Pinky Girls情有獨鍾，踏入冬季，她提醒大家是時候添置大褸，可惜慳家的她買衫向來穩陣，所以衣櫃裏的大褸多數可以重着，認真環保！雖然她對外套專一，但只要配搭得宜，一樣可以勁潮：「長身孖襟外套可謂年年都襟興，我建議揀淨色、格仔同豹紋等長青Pattern。配搭方面，長身外套非常好襯，最方便係扣晒啲衫鈕，當連身裙咁着，如果有格仔同豹紋Pattern，亦可以配長身Tee搭Leggings或絲襪，最重要係啲飾物Match番今年嘅流行元素，例如日本大熱嘅畫家帽，今年新添唔少得嘅窩釘，斯文少女最啱！」

陳嘉寶雖然加入模界只有短短日子，對潮流卻是瞭如指掌。 深藍色格仔孖襟外套$1,112 米白色長Tee $479	淺粉紅色棒球外套 $998 牛仔熱褲$568	桃紅色孖襟外套 $699 LOVE黑色畫家帽 $399

熱褲襯Boot夠潮

喜歡運動的Anjaylia，偏好Sporty的棒球外套：「除咗斯文少女大褸外，運動型嘅夾棉外套都係我極力推介，我最鍾意粉紅色嘅Hello Kitty棒球外套。咪以為着Kitty好似細路女，其實近年Kitty貓殺入時裝界，同唔同嘅牌子玩Crossover，令貓仔變成潮貓！配襯方面，以牛仔熱褲襯長Boot或波鞋款嘅高踭鞋，一樣可以襯得好潮！」

閃石元素最搶鏡

日前正式踏入20歲的Anjaylia童心未泯，房間內更布滿林林總總的毛公仔：「雖然依家好少女仔鍾意玩毛公仔，但我仍然對佢哋情有獨鍾。可能細細個受媽咪影響，佢喺我細個嗰陣好鍾意買Hello Kitty袋仔同衫畀我，將我扮到成個公仔咁！直到中學時期，覺得自己大個咗，所以唔鍾意着公仔衫，但依家想着番啲鮮色衫，用得意嘅公仔點綴吓都唔錯！而且公仔元素唔單止得個Print，有啲用閃石砌成，加上品牌出Crossover感覺會潮好多！」

翠兒接力攻日

日牌Pinky Girls除了邀請Hello Kitty玩Crossover外，在本月下旬將繼續與華納卡通翠兒合作推出產品。品牌PR Nicky表示卡通人物與品牌Crossover在日本大熱，而且深受日本妹歡迎，即將推出的翠兒更是日本限量版，屆時勢必掀起搶購潮。

放大圖片	黑色閃片翠兒手提袋 $455	白色漆皮手袋 $735 閃石蝴蝶白色皮帶 $252
黑色心心長筆袋 $203 粉紅色心心化妝袋 $252 啡色心心鏡子 $252

「熊」心未泯

Anjaylia今年生日收到不少Fans送上毛公仔：「除咗Kitty之外，Fans知道我鍾意Bear Bear熊，無論我畢業、出席活動同生日，佢哋送畀我嘅禮物有7至8成係熊仔！」她表示早前到日本一遊，即令她鍾情日本妹大熱的Care Bear，成為她的新寵，所以她遊日時竟然放棄買衫，改為瘋狂購買Bear Bear熊精品，果然童心未泯！