女子組合HotCha的三位成員向來自認節儉，但若遇到心頭好，都會大破慳囊，其中Crystal寧花幾千元買相機，也不購買昂貴服飾：「我唔會嘥錢去買衫同化妝品，反而會買鏡頭，近來就買咗個二千幾蚊嘅Canon鏡頭。用好多錢去買呢啲產品，對男仔嚟講好正常，女仔就少啲，但我好鍾意影相，所以好捨得花錢去買相機配件！」
Crystal的確是攝影發燒友，家中有不少珍藏：「個機身係媽咪買畀我，但鏡頭就全部都係自己買，我有四支鏡頭，有長鏡、普通鏡、定焦鏡同專門影風景嘅。」不過，她仍心思思想買更多：「我行親街都會衝去睇，成日都想買好多唔同嘅鏡頭，朋友係咁勸我，話我已經有太多唔同款，我先可以冷靜落嚟！」為了影靚相，Crystal經常到不同地方取景，可惜入行後已甚少時間陪她的寶貝，十分可惜。
