外表斯文的名模周倩圯（Samantha），自爆小時候十分頑皮，曾試過離家出走，因而換來周身藤條印，她說：「我細個嗰陣反叛又硬頸，試過離家出走，喺同學屋企住咗幾日，又成日偷偷哋去泳池游水，唔同屋企人講。」

感激父母疼愛

除了父母外，Samantha只有一妹，年紀相差三年，感情要好，不過也經常因小事打架，每次被父母發現，妹妹也會大哭先發制人，最後只有Samantha一人受罰，她無奈地說：「有一次我同妹妹喺屋企打羽毛球，因為甩手，成個球拍飛咗出去，打爛咗廳嘅水晶吊燈，最後爸爸都只係打我。」不過，Samantha當然知道父母疼愛她，只是較內斂，她說：「我細個嘅相，多過妹妹好多，因為我係屋企第一個BB，佢哋好錫我，依家我同父母唔係一齊住，媽咪都會經常打電話畀我，每次返屋企，都會煮我鍾意食嘅餸。」而孝順的她初入行拍廣告便賺到六位數，即時作搬屋首期之用。

肥嘟嘟的周倩圯在甲蟲車前拍照，十分可愛。	嬰兒時期的周倩圯周身肥肉，想不到長大後卻有Model身材。	周倩圯開生日派對，但為何「唧都唔笑」呢？