繼與離巢宿敵傅穎傳不和後，鄧麗欣（Stephy）近日又有是非，被指「升呢」後嫌棄緋聞男友方力申，不想再以情侶檔發展，方力申不甘示弱向鄭中基數臭她還擊！昨日Stephy在奧海城出席《慈善星輝仁濟夜》記者會時否認其事：「呢啲新聞我唔想解釋，有人想金牌大風打大風同亂！雷頌德講過，金牌大風唔係打大風，大家要團結對外，冇發生咁嘅事，唔好針對公司！（分開發展？）之前講咗分開發展，係因為合作得太多，我哋唔悶大家都悶啦！」另外，她透露籌款當晚將表演整糖水：「方力申都試過，我咁有心整，佢點敢彈呀！唔驚我鬧咩！」

唔播學友歌曲

出席記者會的還有王菀之、HotCha、張嘉兒、高海寧、Lisa S.與椋名凜等，而屆時的嘉賓則有容祖兒、陳偉霆、蘇永康、張衞健、張智霖、許志安、梁漢文與官恩娜等，與無綫因版稅問題鬧翻的四大唱片公司旗下藝人全部冇份，監製錢國偉說：「跟公司指示做，知道某啲歌唔用得，唔關歌手事，名單早一個月已經知。個節目有好多唱歌部分，為免麻煩，咪唔搵嗰啲歌手囉！」他還透露將為電影《72家租客》監製賀年節目：「張學友會為電影唱主題曲。（冇問題？）冇！特輯入面唔播歌咪得囉！」

高海寧（左）與陳倩揚擁作一團，感情要好。

Lisa S.（左）與椋名凜講到哈哈笑。