周麗淇（Niki）、林峯和呂珊等除夕夜到澳門做倒數騷，雖然天氣寒冷，但貪靚的Niki堅持搶先着春裝晒肩，上台時更無懼寒流刻意除去外套，還不停展露燦爛笑容，Niki說：「自己第一次喺澳門倒數，一定要以最靚一面見大家。」

2010充滿熱情

現場聚集了近千名觀眾，場面墟冚，Niki除高歌助興外，又與觀眾玩遊戲狂歡，她興奮地說：「今晚氣氛好熱鬧，自己都期待出碟時，多啲嚟澳門做騷，今日真係好開心！我都畀大家嘅熱情感染咗，希望2010年事事順利，不過最緊要都係身體健康，生活開心。」

林峯和Niki除夕夜到澳門做倒數騷。

Niki（左起）、呂珊、林峯、胡蓓蔚和吳家樂悉心打扮赴會。

問到在澳門有否發生趣事？Niki笑說：「做完倒數之後，我哋一班朋友去咗酒店嘅Pub飲嘢，不過全間酒店都爆滿，本來要等位，但酒店經理見到我就好高興，佢話係我Fans，囡囡都好鍾意我，即刻幫我安排VIP位置，仲話要同我合照添！」盡顯明星派頭！