洪天明與周家蔚前晚錄影無綫遊戲節目《逐格鬥》，洪天明帶了愛犬現身，記者笑問：「你哋兩公婆帶狗嚟呀？」周家蔚即面露尷尬之色，扮聽不到，還表示與洪天明隻狗「唔熟」！直至洪天明抱着愛犬主動叫周家蔚影合照，才成功拍下「一家三口」照片！
在其中一個遊戲環節中，洪天明要與周家蔚屁股撞屁股，天明直指：「屋企都玩唔到，冇諗過咁好玩！」因周家蔚不及天明好力，第一次輸了，玩第二次時，她即大發雌威着天明：「你踎低呀！」天明即時「謝晒」，可惜她依然未能勝出，遂投訴天明屁股向天頂唔到，在人前耍花槍！提到恭碩良涉打醫生，天明說：「佢一時衝動啫！（點睇崔建邦涉打鄺敏慧？）無論邊個對邊個錯，始終係兩個人嘅事，唔應該對外講，更唔應該將兩個人之間嘅短訊公開。」而陳敏之則自言睇醫生一向會搵女醫生，以免有誤會及惹麻煩。