最近人氣急升的高海寧，打扮亦愈來愈講究，早前她出席公開活動時，打扮得一絲不苟，相當入時，明顯花過不少心思！當日她穿上今期最流行的Jumpsuit到場，Jumpsuit還以黑白豹紋為主打圖案，一看便知緊貼潮流。同時，她在腰部加上一條粗Belt，外襯一件短身西裝褸，令簡單輕便的Jumpsuit立即變得隆重起來，絕不失禮。
由於天氣已轉涼，高海寧腳踏一對長皮Boot，她說：「長Boot好襟興，今年流行及膝長Boot，但我覺得要視乎每個人不同嘅身高嚟配搭，我就未夠膽着。至於件Jumpsuit我搵咗好耐，最後搵到呢件豹紋Pattern，覺得配襯之下先發揮到潮味，否則一啲太卡通同顏色鮮艷嘅款式，反而會太Casual，唔適合呢個場合。」