休息了一段時間的鍾欣桐，去年強勢復工，拍戲、拍廣告及演舞台劇等，工作不斷的她表示，去年是最充實、忙碌及充滿挑戰性的一年。她坦言最困難的時刻已成過去，並感激老闆楊受成、經理人霍汶希（Mani）、家人、好姊妹容祖兒和蔡卓妍等、單立文夫婦及「嬌迷」的支持和鼓勵，陪她渡過難關，令她倍感溫暖，阿嬌說：「多謝老闆同Mani冇放棄我；屋企人又喺我身邊；祖兒同阿Sa幫我解畫；豹氏夫婦（單立文和胡蓓蔚）嘅SMS，仲有Fans對我不離不棄！」

阿嬌希望接拍喜劇，一改玉女形象。	雖然阿嬌工作倍增，但一定會抽空陪家人。	放大圖片

待人接物趨成熟

對於重返工作崗位，阿嬌說：「我發現我好鍾意做呢行，好享受過程，但休息咗成年，好似突然變番學生咁，多咗好多嘢做！係有啲難適應工作節奏，大家想問同一類型問題，答都答到攰，真係唔想再答，再講就『噚』氣！」問到密密接Job的她有否豬籠入水？阿嬌說：「我好少理錢銀嘢！由媽咪保管，總之有錢賺就開心！（買嘢獎勵？）咁又冇喎！」眼前的阿嬌，對答及待人接物愈趨成熟：「好多嘢係逼出嚟！邊學邊做，我依家EQ高咗，IQ就要Check吓！我份人好易話為，冇乜所謂，同我熟咗就冇嘢！」

阿嬌早前參演舞台劇《星爸亞爸》，與陳淑儀鬥「戲」。資料圖片	過去一年經歷了不少的阿嬌（右），感激Mani（右二起）、祖兒及阿Sa的扶持及開解。資料圖片	最近派快歌《心多》上台的阿嬌，施展苦學的「舞」功，獲外界好評。資料圖片

享受過程忘壓力

最近忙於拍攝電影《前度》的阿嬌，將螢幕初吻獻給陳偉霆，她笑說：「佢開心啦！」拍完《前》片後，她將轉戰內地拍劇，生日亦可能在工作中度過，難得阿嬌並不介懷。打從去年參演舞台劇《星爸亞爸》後，阿嬌對演戲有了新啟發，加上與資深的舞台劇演員陳淑儀及邵美君合作，令她戲癮大發：「舞台劇真係好大挑戰，因為我戲份幾重，所以啲劇本好厚！雖然壓力大，但我享受過程。」她表示能夠學以致用，將演舞台劇方式，融入電影世界，故渴望挑戰瘋狂喜劇：「拍搞笑戲係幾難，因為要令觀眾發笑，係好高難度！」

爭取時間陪家人

除了拍戲外，阿嬌亦要兼顧唱歌和跳舞：「我好鍾意跳舞，最近為快歌《心多》排舞，扭得好勁！（行快歌路線？）都想！話晒學咗一段時間，我覺得唱情歌就浪漫，唱快歌就開心，氣氛勁啲！」雖然工作繁忙，但向來重視家庭的她，一定會爭取時間陪伴家人，做個乖乖孝順女。