小小So向來都好欣賞陳偉霆（William）呢個後生仔，佢唔單只唱歌得跳舞叻，仲不停拍電影兼自我增值，不過同佢傾偈先慢慢發覺，原來佢係一名孝順仔，仲好錫佢媽咪，認真抵讚。
William：我呢件衫靚唔靚呀？影相出嚟Sharp唔Sharp？
小小So：幾好吖，私伙嚟㗎？
William：係呀！我媽咪幫我買㗎！佢周不時都幫我襯吓衫！
小小So：嘩！乜Auntie咁厲害？唔係通常阿仔都唔鍾意媽咪買啲衫嘅咩？
William：我媽咪勁有Fashion觸覺，成日都會睇好多Fashion書，分分鐘仲潮過我㗎！我做嘢好忙，成日都冇時間行街置裝，所以我將所有收入都畀晒佢，佢自自然然會幫我買靚衫，哈哈！