護膚品牌SHISEIDO昨日舉行產品記者會，Stephy、名模Mandy Lieu及「翻版徐子淇」鍾浠文均獲邀出席。問到有甚麼新年願望時？Stephy說：「我想出國語碟，進軍內地市場！不過首先會由電影開始，因為嚟緊嘅電影都會喺內地拍！（你普通話得唔得？）OKo架！不過如果要喺內地發展都要再學過！（普通話好啲定英文好啲？）我對普通話有信心啲！因為小學已經開始學，但英文就冇乜機會講。」

Mandy Lieu（右起）、Stephy及鍾浠文齊齊分享美肌心得。	Mandy Lieu（左）高人一等，陳倩揚訪問她時要頻頻抬頭。	Mandy Lieu表示聖誕及新年撇甩男友，為契媽做伴遊。

無懼批評再出書

她又透露稍後會自費請外國老師單對單惡補英文：「我一定會自己畀錢，因為學咗啲嘢都係自己嘅！（學兩種語文都好忙喎？）係呀！呢一年會好充實！」曾被批評新書錯字百出的她，無懼冷嘲熱諷，今年會再出新書，並會多閱讀，增進語文知識。

談到吳鎮宇涉嫌傷人，自言EQ高的Stephy力撐對方：「其實出名嘅人會容易招惹是非，尤其藝人會畀人留意同放大！我都試過揸車畀人撞，但反而畀對方鬧，最後我賠錢了事！有時自己蝕底都要吞咗佢，做藝人EQ要好高！」

此外，同場的Mandy Lieu透露聖誕及除夕均與契媽共度，還充當導遊：「我帶佢周圍行街食嘢，又去尖東睇燈飾，好開心！」雖然男友陳柏霖因事未能陪伴左右，但她並不介意。