去年11月奉子成婚的徐淑敏（Suki）與黃浩（Kenny），先後到澳洲及日本度蜜月，並於前晚從大阪返港，懷孕6個月的Suki腹部明顯激凸，Kenny則負責推兩部行李車。

徐淑敏懷有六個月身孕，仍表示會再飛往外地。

范姜肚大如籮，帶同大B女鍾嘉晴（左）搵食。

照食魚生

Suki搶着表示蜜月後，夫婦感情增進一大步：「本來已經好好，但當然再有增長啦！」她又大爆全程得老公細心照顧，連空姐亦大讚Kenny體貼。問到旅行期間可有妊娠不適？Suki說：「有老公悉心照料。（喺外地冇機會進補？）開心就係最佳補品！（旅行大有收穫？）返嚟啲行李重110公斤，全部都係以食為主，買咗好少BB嘢咋！（禁食魚生？）Kenny話醫生有交帶過，只要新鮮，食少少都冇所謂！」

另外，前晚范姜現身中環，與大B女鍾嘉晴往飯局，期間二人甚有默契，各自拿着電話聊天，記者發現范姜左邊面爆瘡，她更不時以右邊面對着相機鏡頭，不欲被拍下瘡瘡面。