官恩娜魅力爆燈電暈大力士

昨日官恩娜以型女打扮出席於奧海城舉行的《股惑仔之2010市場前瞻》，獻唱令她一夜「升呢」的《Endless Love》。席間，兩名扮大力士的小男孩難抵其魅力，向她獻吻。

此外，她坦言對投資認識不深：「我對投資真係唔在行，淨係一味識買樓。雖然依家都叫做有一個物業揸手，弊在得『豆腐膶』咁細！我已經的起心肝學緊其他投資方法，因為淨係一味得個做字，唔識錢搵錢，真係唔係辦法！」