吳鎮宇於元旦因涉嫌傷人而被帶往警署助查，好友張家輝透露已「Call爆」鎮宇，惟不獲回覆，他笑說：「鎮宇都幾寸喎！搵咗個衰佬成日都冇覆，後來佢經理人話我知佢冇事！（你覺得鎮宇點解郁手？）未了解件事，唔應該畀意見。不過係人都會保護家人，我識嘅鎮宇知道自己做乜，佢唔會不顧一切，做出不堪設想嘅事！」黃秋生則說：「啲報道一時話掃地起爭執，有啲仲傳打女人，咁多版本邊個真？咁嘅情形唔應該加鹽加醋！（探吓鎮宇嫂？）未打畀鎮宇，呢段期間佢應該幾煩，等過一排再探佢哋！」
此外，曾與鎮宇合作電影的謝天華說：「好愕然！我識嘅鎮宇唔係會郁手嘅人，可能麵包店發生事，佢未了解！佢係有原因先會咁做！2010年啱啱開始，希望佢遠離是非！（如果你太太畀人撩，你會點？）保護自己嘅女人係每個男人嘅責任，我都會挺身而出！」