03/01/2010

播放本新聞相關短片

吳鎮宇指老婆腰腳受傷

涉傷人的吳鎮宇透露,太太於爭執期間弄傷腰和腳,要臥床休息,故假期後他會與太太睇跌打。

吳鎮宇前晚於九龍城麵包舖涉嫌傷人被捕,於警署逗留至昨日凌晨一時許才獲准保釋,其後由男性友人接載返抵西貢寓所。事件中受傷的吳妻被送往醫院檢查後,亦於凌晨時分離開。

假日後睇跌打

經過一晚休息過後,鎮宇昨日接受本報電話訪問時,慨嘆藝人是弱勢社群:「往往有事情發生,都會畀人搞大件事!」對於太太的傷勢,他說:「太太條腰同腳軟骨組織受傷,依家上落樓梯又嗌痛,我咪叫佢唔好周圍郁,屋企又有工人,佢乖乖哋瞓低休息,湊仔咪我湊囉!」近日適逢假期,故他要待假期後才能與太太睇跌打。

向來低調的鎮宇表示,事發當晚只欲帶囝囝出外逛逛,期間還幫襯相熟麵包舖買麵包,豈料未幾即傳出爭吵聲,他馬上落車了解:「太太叫報警,又跣低埋!個男人一堆粗口,我都未嚟得切了解發生咩事!佢畀我感覺又有危險性!(話你打佢喎!)佢一路講一路行出門口,我咪拉番佢入嚟囉!對一個普通女人用咁嘅態度,講成半分鐘粗口,搞到我老婆都暈暈哋!(爆粗者有冇受傷?)佢有流血!」

交由律師處理

他又表示新加坡籍太太指上述事件於新加坡受法例管制,惟因兩夫妻對本地法律不熟悉,故交律師處理。

影視組