眾星打扮得花枝招展出席《叱咤樂壇頒獎禮》，本地著名設計師何國鉦大讚薛凱琪全場最靚；而王菀之則被彈打扮似村姑。
薛凱琪 黃金美女
「最搶鏡，完全Carry到件衫，同模特兒一模一樣。D&G條裙着喺佢身上，可以騷到長腿，金黃色又夠Sharp。上身簡單將頭髮放落嚟都冇問題，好啱佢嘅年紀。」
容祖兒 配搭得宜
「祖兒向來着衫都好好睇，Viktor & Rolf件衫冇問題，但因為本地同外國人身形比例唔同，所以件衫長咗少少，變相露得唔夠多，好在祖兒身材瘦，都Carry到。」
謝安琪 上身吸引
「蝦肉色Fendi裙好啱佢嘅膚色同氣質，不過好多Ruffles，加上頭髮放落嚟，令佢變得好腫，短裙凸顯咗佢對粗腳，再加條黑色腰帶，令人將注意力集中喺佢下半身。總之對腳出咗事，但上身好靚。」
徐子珊 眼前一亮
「打扮好Sharp，向來佢只着黑色同桃紅色，似艷舞女郎太騷，今次着藍白色，令人眼前一亮，啱番年紀，冇咁成熟，而髮型同鞋又襯到條裙。」
陳奕迅 眼妝突出
「男歌手中最突出，雖然着黑色，但對Smoky Eye令人印象深刻，件黑色衫加閃片好搶，好突出又唔核突。除咗化妝搶眼，個頭紗同魔鬼頭飾，令人覺得好好玩。」
何韻詩 型爆開衩
「令人眼前一亮，佢平時多以中性打扮，今次開衩長裙好女性化，灰色可以襯番平時好型嘅佢。髮型又襯得好，睇落普通啲，但帶有古典味，令人好驚喜。」
王菀之 恐怖嚇人
「佢一向好清純，但今次就有反效果。唔知佢做咩，有啲似Lolita，但加埋頂帽就好恐怖，件Corset又係唔知佢想點，感覺好似村姑，完全唔襯佢個氣質。」