當頒發「叱咤樂壇我最喜愛的組合」予Mr.時，成員MJ女友卓韻芝被拉上台，引起哄動，她親手頒獎給男友後，不禁當眾咀嘴！MJ在慶功宴上表示已有兩個月冇見女友，雖知道對方在場，但不知她會上台，問到有否覺得被電台擺上枱，MJ說：「我哋公開咗一年，冇乜新聞價值，總之好開心！」
對於有指商台和環球「一家親」，商台助理總經理甘菁菁與環球高級副總裁黃劍濤是夫妻，惹來偏幫之嫌，Mr.另一成員Dash說：「登勤係有錯必鬧嘅人，佢係公私分明，唔會咁做，唔會有呢個問題，公還公私還私。」
而Dash孖生細佬亦與DJ朱薰拍拖，他坦言不擔心被指靠關係：「唔驚，商台好公正嚴明。（出道2年奪3獎，唔成正比？）多謝傳媒同網上啲人聽我哋啲歌，所以多人認識。（諗過攞歌曲獎？）冇諗過，如果我攞到金曲獎咁就甘喇！」
但因環球與無綫近日因版稅問題而反目，Mr.預料在《勁歌》總選捧蛋，Dash說：「我哋同公司一齊去行，有咩決定都信公司，每年都有唔同話題，我哋最緊要專心音樂，唔諗其他嘢。」