前晚，於《叱咤頒獎禮》奪得5獎的陳奕迅（Eason），成為全晚大贏家，當頒獎禮尾聲獻唱時，Eason突然跳起坐在地上，心情High爆，他說：「好戇居，以為有個好圓滿嘅Ending，點知個音樂仲未完。」慶功宴上Eason繼續風騷，四出與工作人員合照及祝酒，當晚其所屬的環球唱片公司歌手謝安琪（Kay）、張敬軒及樂隊Mr.等晒冷出席，令現場儼如Eason及環球的祝捷會。

Eason在慶功宴上甚為風騷，滿場飛邀合照。	軒仔（左起）、Eason、Kay與Mr.（後排）大合照，因現場太逼，Kay與Eason被擠在一起。	為避嫌疑，慶功宴上Eason（左）與Kay不時向左望向右望。

玩到凌晨二時

心情大靚的Eason，甫坐下即與對面的軒仔密密食，雖然Kay與Eason是並排而坐，但中間相隔兩個空位，似甚為避忌，後來環球唱片高級副總裁黃劍濤要求合照，有記者即要求Eason與Kay合照，但二人裝作聽不到，直到樂隊Mr.加入時，兩人才肩並肩合照。由於現場太擠迫，Kay與Eason被擠在一起，並互相祝賀。眾人逗留至凌晨二時才盡興，Eason與軒仔先行至停車場離開，約15分鐘後Kay才與Mr.現身。軒仔、Kay與Mr.見有歌迷撐場，亦停步與他們開香檳慶祝，其中Mr.成員Dash更飲到面紅紅。

Kay與軒仔（左）碰杯慶祝，而Eason（左二）則與黃劍濤各有各飲。

有大批Fans支持的Kay，開香檳慶祝取得好成績。

開心冇甩嘴

對於成為大贏家，Eason說：「唔好咁講！最開心唱歌冇甩嘴，上次甩嘴好對唔住主辦單位、觀眾同自己！今日特登花時間扮靚啲，個人都開心啲，帽同頭紗都係黃偉文借畀我，好似鬥牛勇士！」對於已奪11個獎，暫時領先傳媒大獎，Eason坦言未有留意：「其實可以留意吓樂壇其他動態。（Mr.暫時排第二位。）咁勁呀？香港真係有好多Band！」