因相機廣告效應而火速上位混血女模Jessica C.，身價上漲速度快過坐火箭，成為新一代電車男殺手，受歡迎程度力逼「女神級」的Angelababy與Jancie Man。受到萬千寵愛的Jessica C.，自覺相當幸運，並希望進軍大銀幕。

Jessica感激母親的栽培，令她踏上名模路。	放大圖片	Jessica憑Wacoal內衣廣告火速在港走紅，更擁有「警鐘胸」美譽。資料圖片

感謝母親悉心栽培

現年21歲的Jessica是中美混血兒，她坦言有今日的成就全靠母親悉心栽培，因為母親當年將年僅14歲的她送去模特兒學校受訓：「我媽咪好少出國，但係佢想我周遊列國，見識多啲！」因緣際會下，她先後到紐約、洛杉磯、英國、日本及香港發展，後來因Canon打印機與Wacoal內衣廣告火速在港走紅，成為新一代電車男殺手，她坦言自己是幸運兒：「我冇諗過可以咁受歡迎！真係好開心，而且每次行騷都有好多Fans支持，感覺好得意！（成立Fans Club？）唔知呢！」

樣子甜美兼「有料」的Jessica成為新一代電車男殺手。

放大圖片

醉心喜劇闖一片天

15歲開始當模特兒的Jessica因事業而放棄學業，只完成High School課程：「模特兒工作可以增廣見聞，機會好難得，所以唔能夠完成大學課程。但係我唔覺可惜，因為學海無涯，讀大學幾時都得！」問到會否多方面發展？她表示自小喜歡演戲，希望到美國進修演藝課程：「我鍾意演喜劇多啲，因為好有趣！我希望兼顧模特兒同演戲兩樣工作。」問到有甚麼人生目標？她直言視國際名模Gisele Bundchen與荷里活女星史嘉娜祖漢遜為偶像及奮鬥目標：「我有兩個妹妹，我都要做好榜樣，希望佢哋為以我為傲！」

石破天驚

2009年o靚模橫行，宅男如癡如醉。o靚模你爭我奪殺得天昏地暗，具神級地位的Angelababy與Janice Man等自然穩坐寶座，但亂局出英「雌」，想不到年底爆出一個Jessica C.，聲勢直逼o靚界女神，一雙警鐘胸、一張嬌俏臉搶上位，年底連食尾胡，強勢躋身o靚模10大收入排行榜前5名，厲害！

Profile

姓　　名：Jessica Cambensy

出生日期：1988年8月14日

三　　圍：33C、24、35

身　　高：170cm

家庭狀況：父親是美國人，母親是中菲混血兒，另有一名哥哥及兩名妹妹

演出經驗：McDonald's（日本）、

　　　　　Au Kddi電話（日本）、

　　　　　Wacoal內衣（香港）、

　　　　　Canon打印機（香港）

模特兒公司：Model One