02/01/2010

播放本新聞相關短片

李詩韻 鄧健泓 緣盡分手

無線女藝人李詩韻與緋聞男友鄧健泓一直被指感情穩定,但詩韻前晚直言跟對方緣盡,宣布分手!

李詩韻與鄧健泓雖然從未承認戀情,但多次被拍得出雙入對,早被公認為一對,但前晚女方出席活動時表示二人只可做朋友,宣布分手!

謝天華、陳法拉及李詩韻前晚到東港城出席除夕倒數活動,詩韻表示剛於加拿大完成大學課程,六月舉行畢業禮,問到緋聞男友鄧健泓會否觀禮?她即表示現時單身,亦沒有承認過與對方拍拖,問到二人目前的關係,她說:「只會係朋友,唔會有其他進展。(幾時開始係咁?)一向係朋友,依家接受追求者。」問到兩人是否仍有聯絡?她表示聖誕節時有互相祝賀,但已很少聯絡,但她亦不忘替鄧健泓講好說話:「佢係好男人,希望佢會搵到個啱嘅。(好男人又唔接受?)唔係接受就可以,要夾得埋,可以講係緣分已經盡咗。」

記者致電鄧健泓問及分手一事,他說:「我只可以講係少咗聯絡,我從來冇公開過係拍拖。(李詩韻話佢單身?)我都係。(祝福對方?)梗係會啦!希望新一年所有嘢都好。」

法拉唔陪男友倒數

法拉撇下Neway太子爺男友薛世恒出席活動過除夕,她說:「年年都係做嘢Countdown,慣咗!」此外,昨日法拉帶同父母出席活動,她透露主演新片將上映,問到會否請男友捧場?她說:「我得四張飛,請父母同經理人,邊個想睇都要自己買飛!」

影視組