29/12/2009

播放本新聞相關短片

諸事狗:楊思琦揀定龍鳳鈪辦嫁妝

本文重點
楊思琦為保事業,年前忍痛與李泳豪轉玩地下情,然而「三張嘢」危機殺到埋身。日前記者發現傳婚訊的她,偕媽咪秘密辦嫁妝,只見思琦對其中一對龍鳳鈪睇到眼甘甘,又在商場掃BB衫,似乎為「囍事」作準備!

拍拖七年的楊思琦和李泳豪,一度遭公司棒打鴛鴦,惟兩人無懼風雨,恩愛如昔,近日有傳31歲的思琦與泳豪明年拉埋天窗及有生仔計劃,一對情人修成正果。日前思琦被發現偕媽咪在黃埔逛街,似為婚事四處張羅,到金舖辦嫁妝又睇定BB衫,看來她疊埋心水做虎新娘。

胃口大開醫肚

擁有33C驕人上圍的思琦,當日打扮密實,穿上羽絨外套襯牛仔褲,先與媽咪到茶餐廳醫肚,胃口大開,心情靚爆!其後,兩母女似出發辦嫁妝,到附近一間金飾店,她倆先在櫥窗前睇到眼甘甘,然後走進店中坐低慢慢揀。當店員認出思琦時,即熱情招待又斟茶遞水,又邀她合照和簽名,期間思琦對龍鳳鈪最有興趣,不時向店員詢間有否更多款式,現場所見,她望着龍鳳鈪甜笑,一副待嫁心情溢於言表。

其後,思琦又對BB金鈪細心打量,與身旁的媽咪望兩眼後,又繼續專心睇金器,其時店中的內地遊客問思琦:「你係咪結婚呀?」令她一臉尷尬,只笑而不語!未知是否被途人「撞破」好事,她們即起身急急腳走人。

思琦與媽咪繼續Shopping,走到商場內的嬰兒用品店睇BB衫,一向慳家的她大破慳囊,買了幾件衫,見附近另一間商舖有大減價,又衝入店內血拚。事後記者致電思琦,問到辦嫁妝及買BB衫,是否奉子成婚,她煞有介事地說:「唔係,你哋唔好咁敏感,啲衫仔送畀人o架!」

專案組