本文重點
星皓一姐林嘉欣，擔任公司耗資7,500萬元人民幣打造的電影《唐吉可德》女主角，演慣時裝片的她，今次終可一嘗演古裝的滋味，奈何她每天都要在幾度低溫下開工，加上戲服單薄，即使造型美麗，亦有苦自己知。首度拍攝古裝片的嘉欣大呼過癮，她透露除了有不同造型外，該片更是內地首批100分鐘的立體電影，能夠參與其中，感到十分榮幸。
凍到嘴扁扁
提到在嚴冬下穿上單薄衣衫開工，嘉欣即扁嘴說：「哈哈！戲服真係薄到唔可以再着衫喺入面，連暖包都黐唔到，真係凍到好辛苦，惟有唔使埋位時就攬住件羽絨唔放！」
經過三個月拍攝，該片日前正式在內蒙古煞科，現已送抵英國及北美作後期製作，預計明年暑假檔期上映。而星皓亦準備豪擲3,000萬美元，於明年初打造立體魔幻動作大片《大鬧天宮》及請來《魔戒》系列特效製作隊作先頭部隊，率先抵達內地搭建片中三大場景。