十姑娘昨日經律師行發聲明，但聲明上欠缺親筆簽名，十姑娘方面解釋為免簽名模式曝光，故在發給傳媒的副本上以律師行蓋章及律師簽名作實，黃國桐律師說：「通常律師Certify（證明）一份聲明屬實時，正本上一定有發聲明者嘅親筆簽名，但係佢哋嘅解釋好合理，我接受。」他又指若陳復生堅持不交還鑽戒，可能被告上法庭：「十姑娘可以出告票要求陳復生交還，如果佢再唔還，會被傳召上法庭要求答辯。十姑娘唔需要親自上庭，佢嘅律師會拎住佢嘅聲明出庭，道理同遺囑嘅法律效用一樣。」