鄧麗欣（Stephy）昨日到黃金海岸商場出席Boxing Day活動，數十Fans舉牌撐場，問到怎樣慶祝聖誕節？她說：「冇人陪，同媽咪去食聖誕大餐，之後朋友約我去Party。（方力申呢？）冇約呀！可能佢佳人有約。」
Stephy透露收到袋、頸巾及飾物等聖誕禮物，十分實用：「以前啲人買禮物限價錢，買埋好多無謂嘢唔環保。（你又話想收鑽石？）梗係冇，一講有人送咁易咩。」至於昨晚勁爆頒獎禮，她坦言因沒有候選歌故不會出席，改去睇艾粒騷，問會否約小方一齊睇？Stephy嬌嗔說：「唔會啦！佢睇咗第一場，又唔叫我。」
