鍾舒漫（Sherman）、容祖兒、楊千嬅、謝安琪（Kay）、G.E.M.、陳柏宇及麥浚龍昨日出席《我最喜愛的歌曲十強Boxing Day》，即場公布「我最喜愛的歌曲」最後十強，陳奕迅憑《七百年後》及《沙龍》佔兩席位。Sherman坦言《給自己的信》打入十強已當攞獎，十分興奮：「我當自己已經得咗，因為其他歌好勁，所以冇信心去到五強，但已經係一個好大鼓勵。」她自爆唱片公司向她推介《給》時，她曾經不想唱：「好驚今次之後，公司唔信我眼光，希望公司畀少少空間我表達意見啦！」

Kay（左起）、千嬅和祖兒喪傾偈，笑不攏嘴。	雖有傳Kay（左）將奪叱咤女歌手金獎，但Joey依然信心十足。	祖兒和千嬅（右）即場交換禮物，老友鬼鬼！

笑何韻詩提早退休

至於祖兒被問到是否對其歌曲《搜神記》充滿信心？她再次出口撐Sherman說：「睇好鍾舒漫，做新人好難有機會，佢遇到首好歌，好想支持佢。」祖兒大讚對方對工作很認真和尊重。對於有傳Kay將奪叱咤女歌手金獎，祖兒說：「傳言啫！都習慣年底有呢啲新聞。（有冇信心？）處於平靜狀況。」至於何韻詩未能躋身女歌手三甲位置，祖兒力撐說：「佢一向做自己嘢，有班忠實歌迷，佢嘅努力大家見到。（叫佢提早退休？）係啦！提早退休。」她補充說：「唔係個個都將自己成功建立喺獎項上。」

而Kay則覺得誰人奪得女歌手金、銀、銅都是實至名歸，問到所屬的環球唱片公司是否已通知她不會出席《十大勁歌金曲頒獎禮》？她說：「未知，衫就揀咗，心態係隨時Ready，自己同電視台友誼一直都好好，只係政策上唔能夠合作住，事件應該好快解決。」