崔建邦（Amigo）涉打女友鄺敏慧（中巴）成為全城熱話，不少曾與Amigo合作的藝人紛紛回應，大部分均力撐他是好人。
張敬軒：我同佢通過電話，佢心情OK！做《十人巷》嘉賓嗰陣Amigo提過同呢個女仔幾啱傾！（信唔信佢打人？）唔信！可能只係少少拗撬或者輕度身體接觸，佢唔會係咁暴躁嘅人！」
羅凱珊（Kama）：「如果男朋友郁手，我一定還手！總之男仔郁手就係錯！（爆粗呢？）唔得！（有冇試過問前男友攞番晒啲嘢？）冇！如果咁驚當初就唔好影親熱相！」
龔嘉欣：「Amigo好有風度！我有發短訊畀佢，只係簡單幾句，因為唔想煩佢！（禁Amigo主持嘅《娛樂十大奇案》？）尊重公司決定！」
宋熙年：「我有問候Amigo，但佢冇覆！心目中嘅佢好好人！（包括做《東》時由得拍檔食螺絲？）佢想訓練我哋執生！」