衞蘭（Janice）雖然經常被批評易肥易瘦，但依然要靚唔要命。話說有次小小So見Janice出席公開活動，見有Fans紮咗個髻，她即刻追問點樣紮，仲要求人哋即場紮一次畀佢睇，認真搞笑！
Janice ：嘩！你個髻好靚呀，點紮o架？
Fans ：好易o架啫！你都可以紮到！
Janice ：係咩！你可唔可以教吓我呀？不如你放晒啲頭髮落嚟教我一次好唔好！
Fans ：可以，你留心睇住喇！
Janice ：睇完好似好易咁，但我返屋企要練多幾次至得，哈哈！
之後Janice繼而同小小So討論髮型問題，直至助手叫佢上台表演先依依不捨咁離開，但臨走時佢不忘感謝Fans嘅教導，絕對係一位有禮貌嘅歌手！
