不少藝人在平安夜外出，齊齊慶祝這個普天同慶的日子，連向來深居簡出的偉仔與嘉玲亦出動，偕偉媽、嘉玲媽及親友到跑馬地Amigo餐廳品嘗聖誕大餐，連嘉玲好友、前無綫體育記者尹錦輝亦是座上客，難怪梁氏伉儷整晚笑不攏嘴！

安頓好外母（中）及太太後，偉仔才放心上車。

心情靚絕的偉仔，開車前與記者揮手道別。

悉心打扮的嘉玲着得十分應節，除佩戴閃爆鑽飾外，更挽着紅色鱷魚皮Kelly Bag兼騷長腿，與身穿皮褸及牛仔褲的偉仔襯到絕！見嘉玲穿上高踭鞋，身材亦愈來愈Fit，未見有喜迹象，但仍無損過節心情，與老公及親友開餐到晚上10時許才離開。

偉媽聞抱孫笑晒

步出餐廳時，偉媽與嘉玲媽手持玫瑰花，問偉媽是否想抱孫，她即笑到見牙唔見眼，然後登上七人車。與此同時，偉仔與嘉玲亦相繼步出，更主動對記者講「聖誕快樂」及十指緊扣合照，問到聖誕願望是否生BB，偉仔報以招牌甜笑，而嘉玲則笑晒說：「希望世界和平！」當嘉玲安頓媽咪上車時，記者再問偉仔是否想生BB讓偉媽抱孫，他雖未有回答，卻甜笑默認，然後登車返回半山和福道寓所。其實自去年在不丹舉行世紀婚禮後，偉仔與嘉玲一直想為梁家留血脈，不但遠赴印度朝見大寶法王求子，更傳嘉玲在好友吳君如介紹下，向婦產科聖手何永超求診，盡顯二人「渴子」之情！

另外，除偉仔一家外，鄔友正與太太翁嘉穗及囝囝前晚亦到Amigo食聖誕大餐，而周啟邦兒子周國豐，亦偕大肚老婆到餐廳慶祝，過一個溫馨的晚上。

周國豐小心地拖着大肚老婆，盡顯紳士風度。

鄔友正帶同太太翁嘉穗及兒子食聖誕大餐。