擁有華麗珠寶及首飾是每個女人畢生追求的夢想，不過譚筠怡（Gwennie）的夢想卻不只於此；自小已對設計及畫畫有濃厚興趣的她，夢想是在世界各地擁有售賣自家設計首飾的專門店。

從藝人轉型做女強人，譚筠怡下了不少苦功。

曾在外國修讀設計的譚筠怡，學以致用當上珠寶設計師。

獨特設計只此一家

Gwennie最近自資近八位數字在中環開設樓上舖：「我希望嚟緊可以喺美加、英國同日本開舖。點解第一間店就開樓上舖，係因為地舖租金貴，唔想啲顧客要面對『羊毛出自羊身上』嘅問題。」Gweenie又表示首飾店的最大特色，是所有首飾均是一對一專人設計，可說獨一無二。

一件別致的飾物，能為女性增添魅力。	譚筠怡憑「澳寶石鯨魚頸鏈」贏得設計大賽獎項，她經常戴此頸鏈出席活動，為她帶來幸運。	放大圖片

勝出比賽增添信心

Gwennie之所以對自家設計首飾如此有信心，主要是因為她設計的「澳寶石鯨魚頸鏈」，今年先後在「澳洲珠寶設計大賽」及「泰國珠寶設計大賽」中贏得獎項，亦因此為Gwennie打了一支強心針：「喺泰國嗰次比賽，能夠喺1,500件作品裏面突圍而出，真係好鼓舞。就係因為呢條鏈令我更加雄心萬丈，亦因為咁夠膽正式去開一間完完全全屬於自己嘅首飾店。」

Gwennie又笑言原本兒時夢想是做室內設計師，現時做了珠寶設計，某程度算是實踐了兒時夢想：「我知道自己有設計天分，所以喺香港讀完書之後，就去加拿大同英國讀設計，依家證明我嘅努力係冇白費嘅。」

長長久九

外表鬼妹仔的Gwennie，原來個性十分傳統，愛為新人設計結婚戒指的她，曾因「意頭」問題而拒絕客人的要求：「試過有對新人好鍾意我設計嗰款以『葉』做主題嘅戒指，仲想用嚟做結婚戒指，不過因為葉嘅英文係「Leaf /Leaves」，其中一個中文意思係分離，我覺得用嚟做結婚戒指唔吉利，所以拒絕佢哋嘅要求。之後，我另外設計咗一對各鑲有九粒石嘅結婚戒指，取其長長久久嘅意思，好彩佢哋都好鍾意。」