再度封帝的家輝希望獎項陸續有來：「希望《亞太影展》有好消息，得獎唔係我個人榮譽，朋友恭喜我，我會話『好彩』遇到好導演、劇本同拍檔。（影帝大壓力？）唔會，下下提住自己，做戲會Over咗。《証人》導演林超賢話拍夠動作戲，《綫人》後想拍女性電影，有啲嘥囉！」

《天水圍》奪五獎

許鞍華執導的《天水圍的日與夜》囊括最佳導演、最佳女主角、最佳女配角、最佳編劇、優質華語電影第一名共五個獎項，成為大贏家。鮑起靜與內地演員蔣雯麗雙雙贏得「最佳女主角」，鮑姐說：「《天》片令我人生大豐收，可以畫上完美句號。（亞視開天水圍劇？）如果開一定有我。（亞視高層動盪？）有反面嘢係好事，好過唔明朗、曖昧，嗌一場交仲好。」至於代表《情非得已之生存之道》領取「十大優質華語電影」的台灣藝人鈕承澤，希望拉攏阮經天及趙又廷與梁朝偉合作。內地演員王學圻及余少群則憑英皇投資內地電影《梅蘭芳》，分別贏得「最佳男配角」、「最佳男新人」。

《亞太影展》今晚舉行，代言人楊謹華昨晚以低V性感晚裝，配以百萬珠寶出席昨晚舉行的《亞太之夜》，至於專程由印度赴台灣的《一百萬零一夜》童星艾斯哈雷丁伊斯姆爾，昨晚抵達會場後耳痛扭計，原來他患了急性中耳炎，服藥後便匆匆返酒店休息。