昨日譚詠麟出席演藝人協會票選新一屆理事會議，提到無綫與HKRIA就歌曲版稅的爭拗，身為環球旗下歌手兼樂壇校長的阿倫說：「依家去到生存嘅問題，真係好難講！佢哋應該會有共識。（擔心被封殺成為犧牲品？）我犧牲咗好耐啦！廿幾年前已經犧牲咗！」對於李克勤原定出席《第二十一屆CASH流行曲創作大賽》錄影被取消，阿倫說：「此處不留人，自有留人處！遲啲搵四大公司同埋無綫了解吓先，唔想只係聽單方面，依家年底可能敏感啲，令到大家較為關注！（替克勤不值？）公司會有安排，大家都想事件解決。（致電安慰佢？）佢依家都掛住陪老婆安胎啦！」