早前崔建邦為J2節目《打出十人巷》當客席導師，期間與中國、巴西混血兒參選者鄺敏慧撻着，有傳詩詠得悉後即火速撇甩崔建邦，沒料昨日他的新歡鄺敏慧與詩詠竟出席同一活動，鄺敏慧一副勝利者姿態，反而又瘦了一圈的詩詠處處迴避，連原定安排她與楊愛瑾（Miki）為鄺敏慧裝身的環節，最後也只得Miki獨撐大局，詩詠則躲在後台，直至活動尾聲才再度上台拍攝大合照。

崔建邦主持《勁歌》時心情不俗。	為情消瘦的唐詩詠（右），與鄺敏慧合照時相距一個身位。	Miki（右）獨自為鄺敏慧裝身。

其後記者要求兩位「情敵」合照，詩詠欲找Miki做擋箭牌，但Miki正接受訪問，詩詠見狀頂硬上，但仍未肯與鄺敏慧肩並肩，雙方差不多有一個身位距離，期間鄺敏慧曾走近詩詠，但詩詠卻愈行愈開，場面尷尬。

事後詩詠表示與對方並不相識，亦不知會同場，問到拍照時為何迴避對方，詩詠說：「唔識好難。（咁安排會唔會唔開心？）有工作好開心。」

舊愛食巴西菜好熱氣

回復單身的她否認失戀，更指與舊愛崔建邦是朋友，問到會否着對方不要吃「巴西菜」？詩詠說：「咁熱氣我就唔食，人哋食咩我唔理，崔建邦鍾意食韓國燒都熱氣，叫佢做多啲Facial囉！（有冇同崔建邦見面？）做嘢成日見，大家同一個經理人，係拍檔，唔會要公司唔安排我哋同場。」

鄺敏慧則表示在台上專心工作，並未留意對方是否迴避自己，問到現時與崔建邦關係，鄺敏慧說：「朋友囉！（唔係拍拖咩？）暫時係朋友。（有冇單獨約會？）冇吖！」另外，崔建邦對於唐詩詠與鄺敏慧同場拒絕回應。