汪詩詩前晚悉心打扮，穿上性感低胸晚裝，陪丈夫甄子丹出席在上海舉行的寶馬新車發布會，同場還有張智霖、袁詠儀（靚靚）及陳凱歌夫婦，三對夫婦難得同場，不時交換相處心得。

張智霖與袁詠儀同樣性急，即使鬧交亦很快和好。

陳凱歌與太太結伴出席活動。

支持張藝謀

因工作關係長期分隔異地的詩詩與子丹，整晚形影不離，十分恩愛，子丹說：「我雖然外表硬朗，但對太太會好浪漫，因為我哋結婚前拍拖時間唔長，加上我成日都好忙，所以會製造啲小浪漫，等佢有多啲驚喜，亦等佢感受到我嘅愛！」子丹主演的電影《十月圍城》即將上畫，他坦言對票房有信心。對於張藝謀的新作《三槍拍案驚奇》受爭議，他說：「我未睇過部戲，但同張藝謀合作過《英雄》，佢一直都係我嘅學習對象。」

至於張智霖與靚靚被追問模範夫妻的心得時十分尷尬，更說：「我哋同其他夫妻一樣，都會嗌交，但大家都性急，就算冷戰都忍唔住搵對方講嘢，所以每次都好快好番！」