經理人公司Snazz旗下女歌手范萱蔚（Percy）日前出席活動，提到她踢爆同門的賈曉晨（JJ）假拍拖造新聞，但遭對方於Blog上暗寸反擊，Percy說：「有唔開心，本來就係個誤會，我冇打畀佢解釋，但歡迎佢打畀我問清楚囉！（影響感情？）我同佢係同事，私底下唔算好老友，但呢件事唔多唔少都有影響！」Percy言下之意，似乎心中仍有條刺，但她表示與JJ路線不同，未有爭做「一姐」的情況出現，她說：「佢主攻拍戲，我係唱歌，咁我嚟緊都出碟啦！公司投放資金喺我身上係好正常！」