歌仔都有得唱「能成為密友，大概總帶着愛」，相識近20年的許志安、梁漢文（Edmond）、張衞健（Dicky）及蘇永康為了明年紅館開騷組成Big4。如果要他們變成少女，到底「她們」會在其餘三人當中選誰作為終身伴侶呢？結果Edmond大熱勝出，安仔捧蛋！
爭住「下嫁」Edmond的Dicky用專家口脗說：「安仔有型，康仔浪漫，但都冇乜安全感，Edmond最穩重可靠。」至於「情敵」安仔則讚Edmond溫柔，可惜Edmond心有所屬，揀了康仔：「康仔唔靚仔！」不過康仔最愛Dicky，讚他顧家又細心，已離婚的康仔坦言：「佢處理屋企大小事上好細心，我自己結過婚，知道要處理得好唔容易。」
