唐寧、高皓正、葉文輝（啤梨）與EO2最近為舞台劇《秒速18米》綵排，阿正在劇中飾演前單車名將洪松蔭（松哥），與其「初戀女友」唐寧有不少談情戲，唐寧笑言要重拾初戀感覺：「同阿正係第一次合作，但我哋識咗好耐，談情戲都投入到。佢就嚟結婚，所以成日都好Sweet！」她自爆綵排期間鬧出不少笑料：「之前大家都病咗，要戴住口罩談情，劇情仲要講阿正讚我靚，好好笑！」阿正亦向唐寧大派高帽：「佢好清純，真係畀人有初戀感覺，同佢演戲好舒服，好欣賞佢！」

《秒速18米》再度公演，洪松蔭（左）對高皓正讚不絕口。	Eddie戴上復古長假髮，造型爆笑！	高皓正、啤梨（右三）及EO2分別演繹不同版本的主題曲。

Eddie戴假髮上陣

有多年舞台劇經驗的阿正表示，今次是首次演繹真人真事，最難掌握是松哥的心路歷程：「我諗番自己喺娛圈嘅努力，都有啲似松哥嗰種不屈不撓嘅精神，幫到自己演繹。」

松哥的單車奮鬥史已是第二次搬上舞台，他激讚阿正形象健康，更指對方除了身形外，成長背景跟自己亦有相似之處。啤梨與EO2在劇中飾演阿正的死黨，為演活十多歲的年輕人，他們做足資料搜集，更為角色設定小動作。因為背景關係，他們在劇中會以假髮上陣，Eddie笑說：「影海報嗰時我戴咗假髮又冇戴眼鏡，松哥話唔認得我添！」