貝安琪在擔正的《Vikie the Viking》中飾演中國公主，現實中的她卻只想做媽咪劉香萍心目中的公主。自與舊愛Rossif Southerland分手後，她揚言暫時「絕緣」，但對結婚、生仔仍充滿憧憬：「依家唔想拍拖住，想成日都做嘢。（事業心重？）因為以前做得唔夠好。不過，我身邊嘅朋友都結晒婚，好多仲做埋媽咪，如果到35歲先有小朋友，可能會有代溝！」
被拍得與尹子維在萬聖節激咀的她，事後否認拍拖，更揚言期待Mr. Right出現，而且最緊要靚仔：「要尊重我、為人有趣、順得人意，同埋要靚仔！唔使其他人覺得靚，起碼我覺得佢靚。（醜男冇份？）睇情況啦！」
