王宗堯（Greg）早於七、八歲已備受賞識，在首部電影《上海1920》中飾演童年版尊龍，但由於爸爸要他專心讀書，故直至四年前大學畢業後才加盟藝能：「公司安排我去台灣拍劇，同楊丞琳、何潤東同翁倩玉合作。」

阿倫（右）對王宗堯十分欣賞，讚他又靚仔又智勇雙全。	王宗堯獲阿倫教路，不要主動追女仔，而且要玩地下情。	王宗堯在片中與官恩娜、阿倫及楊千嬅合作，獲益良多。

與翁倩玉上契

問到與前輩紅歌星翁倩玉合作有否壓力，他說：「佢好Nice，教我好多嘢，我哋合作咗三個月，拍完劇之後，佢收咗我做契仔，叫我畀心機學日文，之後我就接咗部日劇，同鈴木杏合作。（叫你唔好拍拖？）冇，只係叫我唔好學壞。」

Greg今年初回流香港發展，在球場上首次與老闆阿倫見面：「校長係我偶像，佢一直好賞識新人，之前同校長拍《財神到》，佢教我好多嘢，喺佢身上學到做人處事同待人接物，仲叫我唔好亂溝女，要採取被動，有拍拖都話冇。（咁你依家有冇拍拖？）冇呀！」對於被校長封為「黃曉明+金城武+譚詠麟智勇雙全混合體」，他識做地說：「最緊要有校長嘅智勇雙全！」他最近接拍多部電影，包括《美麗密令》、《財神到》、《陳真》與《談戀愛》，與楊千嬅、蔡卓妍、甄子丹及舒淇等合作，獲益良多。