聖誕將至，愛吃甜品的鄧麗欣（Stephy）認為，如女孩在這浪漫佳節親手炮製蛋糕給心儀對象，一定令對方甜入心，所以她特別在聖誕前推出甜品書《心甜》，教大家炮製甜入心的甜品。她推薦最拿手的芝士餅、蛋撻、布甸及曲奇餅，更自爆經常焗蛋糕與同事分享，當中包括緋聞男友方力申，她笑說：「佢食過我整嘅芝士餅，仲話好OK，我相信係陰謀，想我再整畀佢食啫！」

Stephy與方力申戲裏戲外都咁Sweet，未知能否開花結果？	熱愛食甜品的Stephy，認為甜品就如熱戀中的情侶。	放大圖片

在整餅過程中，Stephy體會到失敗乃成功之母的道理，她笑說：「當年第一次整蛋糕畀男朋友食，衰咗三、四次，好有挫敗感，但我性格好堅持，唔會咁易被打擊，唔得咪做到得囉！最終都成功！」她認為整餅還可以減壓：「等蛋糕出爐嗰刻好期待，當香味飄出嚟時，真係好有滿足感。」

自覺心軟易氹

眾多甜品中，Stephy自覺最似「心太軟」，她笑說：「外表好硬淨，其實心裏面軟到漏，我個人好易氹，唔識嬲人。」而小方則似豆腐花，因他易受身邊人的意見影響，像豆腐花般百搭，可以任配杧果、雜果等撈埋一齊。談及蜜運中的老友吳雨霏，Stephy笑說：「佢似木瓜雪耳，夠晒滋潤。」至於宿敵傅穎則以生日蛋糕形容最合適，因為她屬處女座，是完美主義者：「生日蛋糕都係靚靚咁襯托。」