憑驕人「警鐘胸」爆紅的Jessica C.身材均勻，她自爆花了很多心機去保養身材、樣貌及皮膚，她說：「做模特兒成日食無定時，又要周圍去做嘢，生活好冇規律，令我時肥時瘦。後來我終於搵到方法Keep Fit，就係每逢假日，我都會食鍾意嘅嘢，但平日就食得好健康同努力做運動。」

經常與男友分隔異地的Jessica，格外珍惜攜手工作的日子。	憑「警鐘胸」闖出名堂的Jessica，為外表下了不少苦功。	Jessica不反對妹妹長大後加入模界，與她拍住上。

不反對妹妹入行

最近，她不時與男友Sergio情侶檔工作，二人又是同居關係，公私都見，問到會否擔心欠火花，她說：「唔會，因為我哋唔係成日喺同一個地方工作，有時一個喺歐洲，一個喺亞洲，係呢排先咁好彩，可以一年見幾個月，所以會好好珍惜共聚嘅時間。」

今年聖誕，Jessica首次帶Sergio返美探親，雖然她是鬼妹仔一名，但家庭觀念亦很重。擁有一兄兩妹的她，尤其疼愛兩個妹妹，每次返美也會購買大量禮物給她們，問到會否讓妹妹做模特兒，她說：「如果佢哋有興趣，我唔介意，不過佢哋依家仲細。」