古天樂外形俊朗、剛強味濃，擁有一股攝人的男人味道，成為不少少女心目中的理想型男。手錶品牌「ToyWatch」看中古仔與旗下新錶作風相近，故力邀他擔任手錶新店開幕的剪綵嘉賓。對於「型男」稱號，古仔說：「呢啲唔可以由我去講，由觀眾去講啦！可能我喺戲入面嘅角色有時都幾酷，觀眾睇得多，所以有呢種感覺啩！」他自認是守時之人，家中收藏約五十多隻手錶：「當中有平有貴，我覺得守時好重要，睇到一個人嘅性格。我買錶都會睇吓佢實用性同係咪準時，我唔會因為手錶嘅表面金錢價值去買，好多人買錶會係買啲咩限量版、別注版，我就唔係囉！」

古天樂憑着硬朗型男風格，獲手錶品牌力邀擔任品牌專門店的開幕剪綵嘉賓。

古天樂片約不斷，不過他卻認為「質量」比「產量」更重要。

發揮角色 自我挑戰

回顧今年，古仔共拍了五部電影，他表示不會計較產量：「最重要係質量，每部電影有質素先係最重要，接電影要睇吓角色有冇得發揮，今年我拍過古裝、笑片、時裝等唔同角色，要為自己挑戰。」對於在《竊聽風雲》中的演出，獲外間一致好評，問到有否信心提名金像獎男主角？他謙虛地說：「依家講太早嘞！提名都未有，不過我對自己演出有信心。」他透露聖誕節將會宣傳電影《花田囍事2010》及拍新戲。問到有否時間與家人共度佳節？他說：「希望抽到時間啦！不過我哋都係着重農曆新年多啲！」