本文重點
蔡卓妍（阿Sa）自爆生「性感暗瘡」，但不會刻意留給男友鄭中基欣賞，聖誕禮物更不想要名分！古巨基、阿Sa、鍾舒漫、夏韶聲及郭力行等，前晚出席《勁歌金曲》錄影，阿Sa獻唱新歌《放得低》。未知阿Sa近日是否忙於工作，未有太多時間休息，自爆左邊面頰生了一粒暗瘡，卻生得十分開心：「粒暗瘡生得好性感，我都未試過生得咁靚嘅。（鄭中基有冇見過？）冇見過，好忙，我今日先生！」
未諗聖誕禮物
問到聖誕期間可有時間與鄭中基見面？阿Sa說：「要做嘢，一月份都要拍電影。（留粒暗瘡畀佢睇？）化妝師話畫黑啲佢，都有影低留念！（同鄭中基交換聖誕禮物？）我連買畀老竇嗰份都未諗到，一有時間都要去買，要買畀好多人！」
阿Sa又透露聖誕願望是健康、開心及世界和平，問到會否想要一個名分？她立即耍手擰頭並尷尬地說：「唔好呀！我三十幾歲先會諗呢個問題，其實唔好買嘢畀我，捐啲錢出去，寄番張單畀我都好，我啲Fans之前都有用我嘅名義去助養小朋友，我依家都有十幾個仔女！」